(My Blogging Workshop Experience as a Presenter)
पाटन कलेजमा मेरो अनुभव
सुरा र सुन्दरीहरु आइरहन्छन् र गइरहन्छन्
तर हामीहरुले हार खानुहुँदैन ।।
 |
ब्लगिङ वर्कसपको पहिलो दिन नागार्जुना कलेजमा
|
यस्तै यस्तै वाक्याशंहरु पाटन कलेजका कक्षाकोठामा प्रशस्तै थिए । मनमनै पाटन कलेजका विद्यार्थीहरु ब्लगर बन्न लायकका रहेछन् भन्ने मलाई लाग्यो । आखिर म ब्लगिङ्ग वर्कसपको प्रिजेन्टरका रुपमा गएको थिएँ, त्यसैले त्यही कुराबाटै प्रिजेन्टेसन सुरु गरें । कक्षाकोठामा हाँसो फैलियो, अनि मेरो डर पनि बिस्तारै हराउँदै गयो । यसभन्दा पहिले कक्षाकोठा पुरापुर भरिएको कार्यक्रममा कहिल्यै बोलेको थिइँन ।
नागार्जुना कलेजमा मेरो अनुभव
गेटबाट भित्र छिरेपछि administration, administration बाट छिरेपछि कम्प्युटर ल्याब, कम्प्युटर ल्याबमा सबै लाइक, कमेन्ट र च्याटिङ्गमा ब्यस्त । म नागार्जुना कलेजमा छिर्दा यस्तैयस्तै थियो । ब्लगिङ्ग वर्कसपको पहिलो दिन तर थोरै तयारी, हतारहतारमा म त्यहाँ पुगेको थिएँ । अझ final presentation slide नपरेर अर्कै परेछ, लौ बर्बाद ! तर पनि मैले राम्रैसँग presentation दिएँ , चालै पाएनन् भाइबहिनीहरुले । Live Demo मा त्यहाँकी बहिनीले “सर , यो कसरी ” भनेर सोध्दा आफूलाई ठूलो भएछु जस्तो लाग्यो ।
एम्बिसन कलेजमा मेरो अनुभव
 |
| मैले प्रिजेन्टेसन सकिसकेपछि म र साथीहरु प्राक्टिकल्ली सिकाउंदै |
दिउँसो २ बजे कार्यक्रम सुरु हुने योजना थियो तर २:३० बजे सम्म नयाँ बानेश्वर चोक ! हतारहतारमा जाँदा प्यासले मुख पुरै सुकेको थियो , तर एम्बिसन कलेज जाँदाजाँदै पानी खाने साइत जुरेन, प्रोग्राम सुचारु... लौ खत्तम, मुख त पुरै प्याकप्याक्ती ! अझ वारदेखि पारसम्म कलेज ड्रेसमा भाइबहिनीलाई देख्दा साह्रै डर लाग्यो, त्यस्तो आजसम्म मलाई भएको थिएन । त्यसै माथि एउटा भाइको प्रश्न, प्रश्न साह्रै सजिलो तर डराइ’रा बेलामा अक्क न बक्क ! “एकदम राम्रो प्रश्न” भनेर उत्तर दिन थालें, सायद एम्बिसन कलेजका भाइबहिनीले चाल पाएको हुनुपर्छ ।
डियरवाक कलेजमा मेरो अनुभव
डियरवाक कलेज यार, राम्रो सम्भावना भएको कलेज ! मन त्यसै त्यसै आत्तिएको थियो । तर त्यहाँ चाहिँ डर लागेन । Live demo पछि त्यहीँकी एउटी बहिनीको blog लाई प्रोजेक्टरमा show गरुँ भन्दा blogger को warning “This blog may contain some adult contents !” अचम्मै लाग्यो ।
न्यू समिट कलेजमा मेरो अनुभव
मैले plus two पढेको कलेज, त्यहीँ आएर demo देखाउन पाउँदा आफैलाई खुशी लाइरा’छ भन्न नपाउँदै तालीको स्वागत, New Summit College मा पनि राम्रो भयो । त्यहाँको vice principalअसाध्यै राम्रो लाग्यो ।
नोट: यो कार्यक्रम CSIT Association of Nepal ले राजधानीका BSc CSIT पढाइ हुने सबै क्याम्पसहरुमा गरेको थियो.
(फोटो साभार: प्रकाश न्यौपाने)
